ძუძუს კიბოს სიმპტომები: კიბოს 8 ნიშანი, რომლის შესახებაც შეიძლება არ იცოდეთ

ძუძუს კიბოს ამოცნობა და მკურნალობა უნდა მოხდეს ადრეულ ეტაპზე. ადრეული სტადიის ძუძუს კიბოს მქონე ადამიანებისთვის ეს შეიძლება იძლეოდეს განკურნების საუკეთესო შანსს.

ძუძუს კიბოს შემთხვევაში, რომელიც უკვე გავრცელებულია სხვა ორგანოებში (ცნობილი როგორც შორსწასული ძუძუს კიბო), დაავადების ადრეული გამოვლენა იძლევა დროული განხილვისა და მკურნალობის ინდივიდუალური მიდგომის დაგეგმვის საშუალებას, რამაც საბოლოოდ შეიძლება გააუმჯობესოს პაციენტის გამოსავალი. როდესაც საქმე ეხება ძუძუს კიბოს დიაგნოსტიკას, დროს სასიცოცხლო მნიშვნელობა აქვს. იცოდეთ ძუძუს კიბოს სიმპტომები და იმოქმედეთ დროულად.

ეს შეიძლება მიანიშნებდეს ძუძუს შიგნით არსებულ კვანძზე, რომელიც იწვევს ძუძუს იოგების (ბოჭკოვანი ქსოვილის) დამოკლებას, რაც ქსოვილს და კანს შიგნით ექაჩება, შედეგად კი ვიღებთ შეჭმუხნულ ან ჩაზნექილ შესახედაობას.

კანის ჩაღრმავება შეიძლება მიანიშნებდეს, რომ ძუძუს წვრილი არხები, რომლებსაც ლიმფური სადინრები ეწოდება (და რომლებიც ეხმარება ორგანიზმს ნარჩენი პროდუქტების მოცილებაში), დაიბლოკა. ეს იწვევს ძუძუს ანთებას და შეშუპებას, ხოლო კანის დიდ უბანზე ვითარდება პატარა ჩაღრმავებები, ფორთოხლის კანის მსგავსად. ზოგიერთ შემთხვევაში, ეს არის ძუძუს კიბოს ტიპის, ე.წ. ანთებითი ძუძუს კიბოს ნიშანი.

ეს შეიძლება მიანიშნებდეს კვანძზე რძის წარმომქმნელ ჯირკვლოვან ლობულებში არსებულ უჯრედებში, ან ეს შეიძლება იყოს კიდევ ერთი ნიშანი იმისა, რომ ძუძუს წვრილი არხები, ე.წ. ლიმფური სადინრები (რომლებიც ეხმარება ორგანიზმს ნარჩენი პროდუქტების მოცილებაში) დაიბლოკა.

ეს ძუძუს კიბოს ძალიან იშვიათი სიმპტომია. შემთხვევების მცირე რაოდენობაში ის დაკავშირებულია დაავადებასთან, რომელიც ასოცირდება ძუძუს კიბოსთან და პეჯეტის დაავადება ეწოდება. მიუხედავად იმისა, რომ მისი მიზეზი უცნობია, პეჯეტის დაავადება იწვევს ეგზემის მსგავს ქავილს და წითელ გამონაყარს დვრილზე ან მის მიმდებარე არეალში.

ეს შეიძლება მიანიშნებდეს, რომ კიბოს უჯრედები ფარავს სადინარებს (რძის გადამტან პატარა მილებს) დვრილის უკან.

ჩაბრუნებული დვრილის განვითარება (თუ ის თანდაყოლილი არ გქონდათ), რომლის გარეთ გამოწევაც შეუძლებელია, შეიძლება მიანიშნებდეს, რომ დვრილის უკან არსებული კვანძი მას შიგნით ექაჩება.

ეს შეიძლება მიანიშნებდეს სისხლძარღვების ბლოკირებაზე, რაც შეიძლება გამოწვეული იყოს კვანძით ან ძუძუსთვის სისხლის მიწოდების გაზრდით — ნიშანი, რომელიც შეიძლება ახლდეს სიმსივნის ზრდას.

ეს შეიძლება მიანიშნებდეს კვანძზე, იღლიის ქვეშ მდებარე ლიმფურ ჯირკვლებში (რომლებიც ეხმარება ორგანიზმს ნარჩენი პროდუქტების მოცილებაში). ზოგჯერ კვანძი იღლიის ქვეშ შეიძლება უფრო შესამჩნევი იყოს, ვიდრე ძუძუში.

ძუძუს თვითგასინჯვა

ძუძუს რეგულარული შემოწმება, ძუძუს კიბოს სიმპტომების ცოდნა და ექიმთან საუბარი რაც შეიძლება მალე, ნორმიდან გადახრების შემჩნევის შემთხვევაში, გადამწყვეტია. ეს იმიტომ ხდება, რომ ძუძუს კიბოს ადრეული დიაგნოსტიკა და მკურნალობა აუმჯობესებს დაავადების დამარცხების შანსებს.

არ არსებობს ძუძუს შემოწმების არასწორი გზა, მთავარია გახსოვდეთ ACT (მოქმედება):

• Appearance (ცვლილებები კანის მხრივ): ფორთოხლის კანი, ვენების განვითარება, ჩაღრმავება.

• Changes (ცვლილებები დვრილზე): გამონაყარი, სიწითლე დვრილის გარშემო, ჩაბრუნებული დვრილი.

• Thickening (ცვლილებები ქსოვილის მხრივ): კვანძი ძუძუში ან იღლიის ქვეშ, ძუძუს ქსოვილის გასქელება.